• २०७६ भदौ ४ बुधबार / Wednesday, August 21

मुगुम कार्मारोङमा गाउँपालिकाको लगानीमा आवासीय विद्यालय

Fm Radio Link

काठमाडौँ, गरिब तथा विपन्न परिवारका बालबालिकाको पठनपाठनमा समस्या नहोस् भन्दै मृगुको मुगुम कार्मारोङ गाउँपालिकाले आफ्नै लगानीमा आवासिय विद्यालय सञ्चालनमा ल्याएको छ ।

 

पढाईको लागि भन्दै बालबालिकाहरु गाउँ छोडेर अन्यत्र जान थालेपछि आवसिय विद्यालय सञ्चालनमा ल्याइएको हो । गाउँपालिकाकै लगानीमा कक्षा चार र पाँचको लागि खान बस्नको व्यवस्थासहित विद्यालय सञ्चालन गरिएको हो ।

 

विद्यालय सञ्चालन भएसँगै बालबालिकाहरु गाउँबाट अन्यत्र नजाने र गरिब विपन्न परिवारले पनि आफ्नो छोरा छोरीलाई पढाउने अवस्था सिर्जना भएको गाउँपालिकाका अध्यक्ष छिरिङ कान्पे लामाले सीआईएनसँग बताउनुभयो ।

 

गाउँपालिकाले अबको दिनमा गाउँपालिका भित्रै माध्यमिक विद्यालय पनि सञ्चालन गर्ने तयारी गरेको छ । त्यसका लागि शिक्षा मन्त्रालयले पनि सहयोग गर्ने प्रतिवद्धता जनाएको छ । 

प्रतिकृया दिनुहोस